Кумитаи андози назди Ҳукумати Ҷумҳурии Тоҷикистон
Резаахбор
Ҷаласаи XXVII Шӯрои ҳамоҳангсози роҳбарони мақомоти андози давлатҳои аъзои ИДМ

Рӯзҳои 21 то 23 декабри соли 2020 тариқи видеоконференсия таҳти раёсати Ҷумҳурии Озарбойҷон ҷаласаи XXVII Шӯрои ҳамоҳангсози роҳбарони мақомоти андози давлатҳои аъзои Иттиҳоди Давлатҳои Мустақил (минбаъд-ШҲРМА ИДМ) баргузор гардид.

Дар ҷаласа роҳбарон ва мансабдорони баландпояи мақомоти андози давлатҳои аъзои ИДМ, намояндагони Кумитаи иҷроияи ИДМ ва Донишгоҳи молияи назди Ҳукумати Федератсияи Россия иштирок намуданд.

Аз ҷониби Кумитаи андози назди Ҳукумати Ҷумҳурии Тоҷикистон дар ҷаласаи мазкур Раиси Кумитаи андози назди Ҳукумати Ҷумҳурии Тоҷикистон Давлатзода Нусратулло Муқим ва дигар мутахассисон ширкат варзиданд.

Иҷрокунанадаи вазифаи Роҳбари хадамоти давлатии андози Ҷумҳурии Озарбойҷон Назарли Орхан Фаик оғли бо сухани ифтитоҳӣ ҷаласаро оғоз намуд.

Инчунин, намояндаи Кумитаи иҷроияи ИДМ бо гузориши худ дар мавзӯи "Дурнамои рушди ҳамкории давлатҳои аъзои ИДМ дар соҳаи иқтисод ва вазифаҳои марбут ба ШҲРМА ИДМ барои солҳои 2020-2021" суханронӣ кард.

Мавзӯи асосии рӯзнома муҳокимаи фаъолияти мақомоти андози давлатҳои аъзои ИДМ дар заминаи пандемияи COVID-19 ва рафъи оқибатҳои он буд.

Раиси Кумитаи андози назди Ҳукумати Ҷумҳурии Тоҷикистон иштирокчиёнро оид ба тадбирҳои пешгирифтаи Ҳукумати Ҷумҳурии Тоҷикистон ва бевосита Кумитаи андоз ҷиҳати коҳиш додани таъсири манфии пандемияи COVID-19 ба муҳити соҳибкорӣ ва пешгирии паҳншавии минбаъдаи он тавассути пешниҳоди хизматрасониҳои электронӣ шинос намуд.

Дар ҷаласаи коршиносон, сардори Раёсати ҳамкории байналмилалии Кумитаи андоз ба диққати иштирокчиён маълумоти ҷамъбастӣ оид ба таҷрибаи баҳсҳои судӣ ва то судии баррасии шикоятҳои андозсупорандагон вобаста ба натиҷаҳои назорати андоз дар давлатҳои аъзои ИДМ-ро пешниҳод намуд.

Дар ҷараёни мулоқот ҷонибҳо инчунин як қатор мавзӯъҳои муҳимми дигарро, аз ҷумла амалисозии нақшаи чорабиниҳо оид ба татбиқи марҳилаи сеюми (солҳои 2016-2020) Стратегияи рушди иқтисодии ИДМ барои давраи то соли 2020, нақшаи чорабиниҳо бахшида ба 30-солагии ИДМ ва омодасозии бозомӯзии касбӣ ва такмили ихтисоси кадрҳо дар соҳаи андоз ва андозбандӣ мавриди муҳокима қарор дода шуд.

Дар анҷоми ҷаласа ҷонибҳо Протокол қабул намуданд, ки дар он дурнамои ҳамкориҳои минбаъдаи мақомоти андози давлатҳои аъзои ИДМ-ро муайян карда шудааст.

Бояд қайд намуд, ки ШҲРМА ИДМ тибқи Қарори Шӯрои сарони ҳукуматҳои ИДМ аз 31 майи соли 2001 бо мақсади таъмини шароити мусоид барои ҳамоҳангсозии фаъолияти мақомоти андози давлатҳои аъзои ИДМ таъсис дода шудааст.

 Раёсати ҳамкории байналмилалӣ

Кумитаи андози назди Ҳукумати Ҷумҳурии Тоҷикистон
Резаахбор
Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд - як роҳ» вобаста ба мавзӯи «Паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия»

Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд - як роҳ» вобаста ба мавзӯи «Паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия».
Санаи 15 декабри соли 2020 Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд - як роҳ» (минбаъд – Механизм) вобаста ба мавзӯи паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия баргузор гардид.
Дар Конфронси номбурдаи виртуалӣ намояндагони мақомоти фискалӣ, мушоҳидачиён, олимон ва намояндагони созмонҳои байналмилалӣ аз 47 давлати дунё ва 9 созмонҳои байналмилалӣ иштирок намуданд.
Аз ҷониби Кумитаи андози назди Ҳукумати Ҷумҳурии Тоҷикистон дар Конфронси мазкур Раиси Кумита Давлатзода Нусратулло Муқим ва муовини якуми Раиси Кумита Солеҳзода Аюбҷон Маруф ширкат варзиданд.
Раиси Кумитаи андози назди Ҳукумати Ҷумҳурии Тоҷикистон иштирокчиёнро оид ба тадбирҳои пешгирифтаи Кумита ҷиҳати коҳиш додани таъсири манфии пандемияи COVID-19 ба муҳити соҳибкорӣ ва пешгирии паҳншавии минбаъдаи он тавассути пешниҳоди хизматрасониҳои васеи электронӣ шинос намуд.
Ҳамчунин, аз ҷониби Кумитаи андоз рӯнамо оид ба «Рушди маъмурикунонии андоз дар Ҷумҳурии Тоҷикистон дар асри рақамӣ» омода гардида, ба иштирокчиён муаррифӣ карда шуд.
Маърӯзачиён ва иштирокчиёни Конфронси виртуалӣ изҳор доштанд, ки таъсири COVID-19 васеъ ва тӯлонӣ хоҳад буд, бинобар ин вокуниши қавӣ ва ҳамоҳангсоз дар доираи Механизм, ҳамчунин ҳамкории бисёрҷониба бо мақсади рушди иҷтимоию иқтисодӣ, ташаккули иттиҳоди бо ҳам зич ва ояндая муштарак дар доираи «Як камарбанд - як роҳ» зарур мебошад.
Ҳамбастагӣ ҷиҳати тақвият додани рушди маъмурикунонии андоз, инфрасохтори андоз, назорати сифат, истифода намудани таҳлилҳои маълумоти калонҳаҷм (Big Data) ва ташаккули механизми идораи маълумоте, ки барои мақомотҳои андоз қобили қабул аст, аз ҷониби иштирокчиён қайд карда шуд.
Дар охир иштирокчиён эъломияи муштарак қабул намуда, омодагии худро барои ҳамкории боз ҳам наздик ва мубодилаи таҷриба ҷиҳати рушди маъмурикунонии андоз дар давлатҳои аъзои Механизм баён намуданд.

 Раёсати ҳамкории байналмилалӣ

Кумитаи андози назди Ҳукумати Ҷумҳурии Тоҷикистон
Резаахбор
Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд, як роҳ» вобаста ба мавзӯи «Паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия»

Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд, як роҳ» вобаста ба мавзӯи «Паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия».
Санаи 15 декабри соли 2020 Конфронси виртуалии сатҳи баланд дар доираи Механизми ҳамкорӣ дар соҳаи маъмурикунонии андоз, ташаббуси «Як камарбанд, як роҳ» (минбаъд – Механизм) вобаста ба мавзӯи паёмадҳои нав, имкониятҳои нав ва ояндаи нави банақшагирии рушди рақамикунонии андоз дар заминаи пандемия баргузор гардид.
Дар Конфронси номбурдаи виртуалӣ намояндагони мақомоти фискалӣ, мушоҳидачиён, олимон ва намояндагони созмонҳои байналмилалӣ аз 47 давлати дунё ва 9 созмонҳои байналмилалӣ иштирок намуданд.
Аз ҷониби Кумитаи андози назди Ҳукумати Ҷумҳурии Тоҷикистон дар Конфронси мазкур Раиси Кумита Давлатзода Нусратулло Муқим ва муовини якуми Раиси Кумита Солеҳзода Аюбҷон Маруф ширкат варзиданд.
Раиси Кумитаи андози назди Ҳукумати Ҷумҳурии Тоҷикистон иштирокчиёнро оид ба тадбирҳои пешгирифтаи Кумита ҷиҳати коҳиш додани таъсири манфии пандемияи COVID-19 ба муҳити соҳибкорӣ ва пешгирии паҳншавии минбаъдаи он тавассути пешниҳоди хизматрасониҳои васеи электронӣ шинос намуд.
Ҳамчунин, аз ҷониби Кумитаи андоз рӯнамо оид ба «Рушди маъмурикунонии андоз дар Ҷумҳурии Тоҷикистон дар асри рақамӣ» омада гардида, ба иштирокчиён муаррифӣ карда шуд.
Маърӯзачиён ва иштирокчиёни Конфронси виртуалӣ изҳор доштанд, ки таъсири COVID-19 васеъ ва тӯлонӣ хоҳад буд, бинобар ин вокуниши қавӣ ва ҳамоҳангсоз дар доираи Механизм, ҳамчунин ҳамкории бисёрҷониба бо мақсади рушди иҷтимоию иқтисодӣ, ташаккули иттиҳоди бо ҳам зич ва ояндая муштарак дар доираи «Як камарбанд, як роҳ» зарур мебошад.
Ҳамбастагӣ ҷиҳати тақвият додани рушди маъмурикунонии андоз, инфрасохтори андоз, назорати сифат, истифода намудани таҳлилҳои маълумоти калонҳаҷм (Big Data) ва ташаккули механизми идораи маълумоте, ки барои мақомотҳои андоз қобили қабул аст, аз ҷониби иштирокчиён қайд карда шуд.
Дар охир иштирокчиён эъломияи муштарак қабул намуда, омодагии худро барои ҳамкории боз ҳам наздик ва мубодилаи таҷриба ҷиҳати рушди маъмурикунонии андоз дар давлатҳои аъзои Механизм баён намуданд.

 Раёсати ҳамкории байналмилалӣ