Қабули ҳайати вакилони Хадамоти федералии андози Федератсияи Русия дар Кумитаи андоз
![](https://andoz.tj/images/news/ФНС_1.jpg)
Қабули ҳайати вакилони Хадамоти федералии андози Федератсияи Русия дар Кумитаи андоз
![](https://andoz.tj/images/news/ФНС_1.jpg)
Санаи 11 августи соли 2021 Раиси Кумитаи андози назди Ҳукумати Ҷумҳурии Тоҷикистон Давлатзода Нусратулло Муқим бо Гурӯҳи кории Хадамоти федералии андози Федератсияи Россия таҳти роҳбарии муовини роҳбари хадамот Шепелева Юлия Вячеславовна вохӯрӣ анҷом дод.
![](https://andoz.tj/images/news/ФНС_2.jpg)
Дар ҷараёни вохӯрӣ, ки дар фазои дӯстӣ ва ҳусни тафоҳум баргузор гардид, муовини роҳбари Хадамоти федералии андози Федератсияи Россия Шепелева Ю. В. ба Раиси Кумитаи андоз Давлатзода Н. М. барои меҳмоннавозӣ ва истиқболи гарму дӯстонаи ҳайати Россия изҳори сипос намуда, роҷеъ ба маҷмӯи масъалаҳои ҳамкориҳои дуҷониба, инчунин перомуни масъалаҳои расонидани кӯмаки техникӣ ба Кумитаи андози назди Ҳукумати Ҷумҳурии Тоҷикистон ҷиҳати рушди маъмурикунонии андоз дар Ҷумҳурии Тоҷикистон табодули афкор намуд.
![](https://andoz.tj/images/news/ФНС_3.jpg)
Кӯмаки техникии Хадамоти федералии андози Федератсияи Россия ба Кумитаи андоз ҷиҳати рушди маъмурикунонии андоз самтҳои зеринро дар бар мегирад:
1) беҳтар намудани маъмурикунонии андоз аз арзиши иловашуда;
2) мавриди истифода қарор додани онлайн кассаҳо (мошинҳои назоратӣ - хазинавии насли нав);
3) баланд бардоштани самаранокии андозбандии молу мулки ғайриманқул ва манқул;
4) таҳияи тавсияҳо оид ба такмили заминаи меъёрии ҳуқуқии маъмурикунонии андоз.
![](https://andoz.tj/images/news/ФНС_4.jpg)
Ҳамчунин, зимни вохӯриҳо баррасии лоиҳаи Созишнома байни Вазорати молияи Ҷумҳурии Тоҷикистон ва Вазорати молияи Федератсияи Россия оид ба расонидани кӯмаки техникӣ бо мақсади рушди маъмурикунонии андоз дар назар аст.