Даъват барои муҳокима!

Кумитаи андози назди Ҳукумати Ҷумҳурии Тоҷикистон аз шаҳрвандони Ҷумҳурии Тоҷикистон, вазорату идораҳо, ташкилоту муассисаҳо, мақомоти иҷроияи ҳокимияти давлатии вилоятҳо ва шаҳру ноҳияҳо, воситаҳои ахбори омма, ташкилотҳои байналмилалӣ ва ҷомеаи шаҳрвандиро барои муҳокимаи лоиҳаҳои ҳуҷҷатҳо оид ба «Тартиби ба танзим даровардани муносибатҳои меҳнатӣ», «Нақшаи ҳамкории ҷонибҳои манфиатдор», «Арзёбии низомҳои идоракунии экологӣ ва ҷанбаъҳои иҷтимоӣ», инчунин «Нақшаи идоракунии муҳити экологӣ ва иҷтимоӣ»-ро даъват ба амал меорад.

Лоиҳаҳои ҳуҷҷатҳои номбурда аз ҷониби Бонки Умумиҷаҳонӣ дар ҳамбастагӣ бо Кумитаи андоз дар доираи Барномаи рушди маъмурикунонии андоз барои солҳои 2020-2025, ки бо қарори Ҳукумати Ҷумҳурии Тоҷикистон аз 30 декабри соли 2019, №643 тасдиқ шудааст, таҳия гардида, дар сомонаи Кумитаи андоз www.andoz.tj ҷойгир карда шудаанд.

Кумитаи андоз аз Шумо хоҳиш менамояд, ки бо лоиҳаҳои номбурда шинос шуда, таклифу пешниҳодҳои худро ба суроғаи Кумитаи андоз info@andoz.tj то санаи 5 феврали соли 2021 ирсол намоед.

Санаи 2 феврали соли ҷорӣ, соати 14:00, Кумитаи андоз ҷиҳати муҳокима намудани ҳуҷҷатҳои номбурда тавассути барномаи Webex бо намояндагони Бонки Умумиҷаҳонӣ ва шарикони рушд вохӯрии виртуалӣ ба нақша гирифтааст.

Ҷиҳати иштирок дар чорабинии мазкур аз Шумо эҳтиромона хоҳиш карда мешавад, ки ба суроғаи Кумитаи андоз info@andoz.tj оид ба ному насаб, мансаб, ҷои кор ва рақамҳои телефон маълумот ирсол намоед.