Ифтитоҳи иншооти Нозироти андоз дар ноҳияи Роштқалъа
![](https://andoz.tj/images/news/Roshtkala1.jpg)
Ифтитоҳи иншооти Нозироти андоз дар ноҳияи Роштқалъа
![](https://andoz.tj/images/news/Roshtkala1.jpg)
28 сентябр Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар идомаи сафари корӣ дар ноҳияи Роштқалъа ҳамчунин бинои нави Нозироти андозро мавриди баҳрабардорӣ қарор доданд. Бинои нави Нозироти андоз туҳфаи арзандаест ба муносибати 30-солагии Истиқлолияти давлатӣ ба кормандони мақомоти андоз, соҳибкорон ва шаҳрвандони ноҳияи Роштқалъа.
![](https://andoz.tj/images/news/Roshtkala2.jpg)
Иншооти мазкур аз ҳисоби маблағҳои ҷумҳуриявӣ дар масоҳати умумии 692 метри мураббаъ сохта шуд. Бинои нави Нозироти андоз аз 2 ошёна ва таҳхона иборат буда, дар қабати якум шуъбаҳои хизматрасонӣ ба шаҳрвандони ҳуқуқию соҳибкорони инфиродӣ, терминал ва шуъбаи бақайдгирӣ ҷойгир аст. Ошёнаи дуюм бошад, дорои маҷлисгоҳ, утоқи роҳбарият ва дигар иншооти ёрирасон мебошад, ки ҳамагии онҳо бо таҷҳизоти насли нав муҷаҳҳаз гардонида шудаанд.
![](https://andoz.tj/images/news/Roshtkala3.jpg)
Дар бино ҳамчунин толори алоҳидаи хизматрасонӣ ба андозсупорандагон бунёд гардидааст, ки дар он андозсупорандагон имкон доранд бо истифода аз хизматрасониҳои электронии мақомоти андоз истифода баранд.
![](https://andoz.tj/images/news/Roshtkala4.jpg)