Ташкилотҳои қарзӣ қабули пардохтҳоро барои хизматрасониҳои хориҷӣ аз нав ҷорӣ карданд
![](https://andoz.tj/images/news/alifScreen0.jpg)
Ташкилотҳои қарзӣ қабули пардохтҳоро барои хизматрасониҳои хориҷӣ аз нав ҷорӣ карданд
Дар робита бо муқаррароти нави қонунгузории андоз, Кумитаи андоз иттилоъ медиҳад, ки 27 январи соли 2021 он бо иштироки аъзои Ассотсиатсияи ташкилотҳои маблағгузории хурди Тоҷикистон бо мақсади фаҳмондадиҳии хусусиятҳои андозбандии хизматрасониҳои электронӣ, ки аз ҷониби шахсони хориҷӣ анҷом дода мешаванд, семинари омӯзишӣ баргузор намуд (аз ҷумла, фаҳмондадиҳии муқарраротҳои оиди агентҳои андоз).
Тибқи моддаи 1931 Кодекси андози Ҷумҳурии Тоҷикистон, агар хизматрасониҳои электронӣ ба шахсони ҳуқуқӣ, соҳибкорони инфиродии Ҷумҳурии Тоҷикистон ва муассисаҳои доимии шахсони ҳуқуқии хориҷӣ анҷом дода шаванд, пас шахсони мазкур – харидорони чунин хизматрасониҳо агентҳои андоз эътироф карда мешаванд. Агар хизматрасониҳои электронӣ бо иштирок дар ҳисоббаробаркуниҳои силсилаи пайдарҳамии якчанд шахсони ҳуқуқӣ-миёнаравон анҷом дода шаванд, агенти андоз шахси хориҷӣ-миёнараве дониста мешавад, ки новобаста ба мавҷудияти шартнома бо шахсони хориҷии анҷомдиҳандаи чунин хизматрасониҳо дар ҳисоббаробаркуниҳо бо шахсони воқеӣ бевосита иштирок менамояд.
Дар натиҷа, ташкилотҳои қарзие, ки резидентҳои Ҷумҳурии Тоҷикистон мебошанд ва имконияти пардохти хизматрасонии электронии хориҷиро фароҳам меоранд, ба категорияи агентҳои андоз дохил карда намешаванд.
Дар расми 1 скриншоти ҳамёни электронии мобилии ҶСК «Алиф Бонк» замима карда шудааст, ки он ҳамчунин нишон медиҳад, ки онҳо аз Кумитаи андоз тавзеҳот гирифтаанд ва қабули пардохтҳоро барои хизматрасониҳои хориҷӣ аз нав ҷорӣ карданд.
![](https://andoz.tj/images/news/alifScreen.jpg)