Андозсупорандагони муҳтарам!

    Кумитаи андози назди Ҳукумати Ҷумҳурии Тоҷикистон тасмим гирифтааст, ки бо мақсади муайян намудани андешаи соҳибкорон оид ба риояи тартиби гузаронидани назорати камералӣ аз ҷониби кормандони мақомоти андоз ва ҷиҳати беҳтар намудани сифати корҳои назоратӣ, пурсиш гузаронад.

    Шакли Пурсишнома дар саҳифаи асосии сомонаи расмии Кумитаи андоз andoz.tj ҳамчун бахши алоҳида ҷойгир карда шудааст.

    Инчунин, Пурсишнома дар шумораҳои рӯзномаи “Боҷу хироҷ”, ки рӯзҳои 4-ум, 11-ум ва 18-уми июли соли ҷорӣ чоп мешаванд, ҷойгир карда мешавад ва Шумо метавонед, андешаҳои худро нисбат ба саволҳои Пурсишнома изҳор намуда, онро ба воситаи почтаи муқаррарӣ ба суроғаи ш.Душанбе, кӯчаи Н. Қарабоев 42/2, ба почтаи электронии Кумитаи андоз info.andoz.tj, ё аксбардорӣ намуда, бо истифода аз барномаҳои “Вайбер”, “ИМО” ва “Ватсап” ба рақами телефони 987-25-33-33 ба Кумитаи андоз ирсол намоед.

    Андешаҳои Шумо барои мо ҷиҳати беҳтар намудани фаъолияти мақомоти андоз дар самти гузаронидани назорати камералӣ муҳим мебошад.

    Барои дастрас намудани маълумоти иловагӣ метавонед тавассути рақами телефони содакардашудаи “151” ба Бахши иттилоотии Кумитаи андоз муроҷиат намоед.

    Барои ҳамкориатон қаблан сипосгузорем.

Кумитаи андози назди Ҳукумати Ҷумҳурии Тоҷикистон