Ташрифи Ташкилоти ҷаҳонии TADAT (Воситаҳои ташхис ва баҳогузории маъмурикунонии андоз) ба Кумитаи андози назди Ҳукумати Ҷумҳурии Тоҷикистон





Як қатор муттахассисони Ташкилоти ҷаҳонии TADAT (Воситаҳои ташхис ва баҳогузории маъмурикунонии андоз) аз сана 16 то 28 декабри соли 2019 ба Кумитаи андози назди Ҳукумати Ҷумҳурии Тоҷикистон ташриф оварда буданд, ки мақсад аз он омўзиш ва арзёбии ҳамаҷонибаи фаъолияти мақомоти андози Ҷумҳурии Тоҷикистон дар самти такмилоти системаи маъмурикунонии андоз мебошад.

Аз ҷониби мутахасисони чунин як ташкилоти бонуфузи байналмиллалӣ самтҳои асосии фаъолияти мақомоти андоз дар љодаи ислоҳот ва такмилоти системаи маъмурикунонии андоз, аз ҷумла сатҳу сифати хизматрасониҳои электронии мақомоти андоз оид ба ҳисоб ва пардохти андозҳо, соддагардони қонунгузорӣ ва расмиёти андоз, тақвияти асосҳои моддию техникӣ ва неруи кадрии мақомоти андозро мавриди омузиши ҳамаҷониба қарор дода шуд.

Санаи 27 декабри соли 2019 дар дар толори маҷлисгоҳи Нозироти андозсупорандагони калони Кумитаи андози назди Ҳукумати Ҷумҳурии Тоҷикистон бо иштироки намояндагони вазорату идораҳои дахлдори Ҷумҳурии Тоҷикистон, Бонки ҷаҳонӣ, Бонки Осиёгии Рушд, Бонки Аврупоии Таҷдид ва Рушд ва Хазинаи байналмилалии асъор ҷаласа барпо гардид, ки дар он туттахассисони Ташкилоти ҷаҳонии (TADAT) натиҷаи пешакии таҳлили такмилоти системаи маъмурикунонии андозро дар Ҷумҳурии Тоҷикистон муаррифӣ намуданд.

Дар ҷаласа аз ҷониби мутахассисони TADAT натиҷаҳои бадастовардаи Ҷумҳурии Тољикистонро дар самти такмилоти системаи маъмурикунонии андоз қаноатбахш арзёбӣ карда шуд.

Ҳамзамон, ба маълумоти иштирокчиёни ҷаласа расонида шуд, ки мутахассисони TADAT баҳои ниҳоии худро вобаста ба арзёбии натиҷаҳои такмилот ва ислоҳоти системаи маъмурикунонии андоз дар Ҷумҳурии Тоҷикистонро рўзҳои наздик дар сомонаи интернетии худ «www.tadat.org» расман эълон менамоянд.